गोदावरी नगरपालिकाका उपमेयर सहित ५ जनाले रोजे नेकपा (एस)

धनगढी । गोदावरी नगरपालिकाकी उपप्रमुख रत्ना कडायतले नेकपा (एकीकृत समाजबादी) रोजेकी छन् । प्रदेश निर्बाचन कार्यालय धनगढी पुगेर आइतबार उपप्रमुख कडायतले समाजबादीको पक्षमा सनाखत गरेकी हुन् ।

गोदावरी नगरपालिकामा एमालेबाट निर्बाचित जनप्रतिनिधी ३२ जना छन् । ती मध्य ५ जनाले समाजबादी रोजेका छन् । नगरपालिकाकी उपप्रमुख रत्ना कडायत, वडा नम्बर ५ का वडा अध्यक्ष कर्ण बोहरा, वडा सदस्य कमल सिं राना, वडा नं ६ का वडा सदस्य धन बहादुर खड्का, वडा नं ३ की सदस्य रामपत्ति चौधरीले समाजबादी रोजेका हुन् ।