कानूनी सारक्षता सम्बन्धी दुई दिने तालिम सम्पन्न

धनगढी । समुदायका महिलालाई लक्षित गरी २ दिने साक्षरता सम्बन्धी तालिम कैलालीको बौनियामा सम्पन्न भएकोछ ।

दलित महिला संघ (फेडो) आयोजना तथा फाउण्डेसन फर अ जस्टको सहयोगमा सञ्चालित कानून सम्बन्धी तालिममा १० ओटा महिला समुहबाट २५ जना बढीको सहभागिता रहेको थियो । फेडोले बर्दगोरियामा गठन गरेका दलित महिला समुहमा आबद्ध महिला लाई तालिममा सहभागि गराइएको थियो ।

तालिम उद्घाटन गर्दै बर्दगोरिया गाउँपालिकाका अध्यक्ष बलिराम डगौराले कानूनी ज्ञान नहुँदा नागरिकमा अन्यौलता रहेको बताउँदै समुदायमा कानूनी ज्ञान दिनु अपरिहार्य रहेको बताए । कतिपय अवस्थामा आफुहरुलाई समेत कानूनी ज्ञान नहुँदा समस्या हुनेगरेको भन्दै अध्यक्ष डगौराले कानून सिक्नु सवैका लागि अपरिहार्य भएको बताए । उनले फेडोद्वारा प्रदान गरिएको तालिम समयको माग अनुसार भएको बताउँदै आगामी कार्यक्रममा गाउँपालिकाले पनि समन्वय गर्ने बताए ।

दलित महिला संघ फेडोका अध्यक्ष विनोद घिमिरेले स्थानीय स्तरमा कानूनी ज्ञान प्रदान गर्न तालिमको आयोजना गरिएको बताए । ‘कानूनी ज्ञान नहुँदा धेरै महिला अहिलेपनि न्ययीक प्रक्रिायमा जान डराइरहेका छन्’ उनले भने–‘त्यसता महिलालाई कानूनी ज्ञान दिन हामीले तालिमको आयोजना गर्दै आएका छौं ।’ 

फेडोकी बरिष्ठ सदस्य सीता बिकको अध्यक्षतामा सम्पन्न कार्यक्रममा अधिबक्ता गणेश कडायतले सहजिकरण गरेका थिए ।