प्रधानमन्त्री देउवाका पुत्र जयबीर डडेल्धुराबाट कांग्रेसको क्रियाशिल सदस्य बने

धनगढी । नेपाली कांग्रेसका सभापति तथा प्रधानमन्त्री शेरबहादुर देउवाका पुत्र जयबीरसिंह देउवाले डडेल्धुराबाट नेपाली कांग्रेसको क्रियाशिल सदस्यता लगेका छन् ।

देउवा पुत्रले क्रियाशिल सदस्यता लगेपछि उनलाई राजनीतिमा लाग्ने विष्लेषण समेत हुन थालेकोछ । २६ वर्षीय जयवीरदेउवाले युनिभर्सिटी अफ न्युयोर्कबाट राजनीतिशास्त्रमा स्नातकोत्तर गरेका छन् । उनले आफ्ना बुबाको राजनीतिक थल रहेको डडेल्धुराको गन्यापधुरा गाउँपालिका–१ को वडा कार्यसमितिको सिफारिसमा क्रियाशील सदस्यता पाएका हुन् ।

उनी क्षेत्रीय प्रतिनिधि निर्वाचित भएर आउने तयारीमा रहेको स्रोतले जनाएको छ । डडेल्धुरामा २५ भदौमा वडा अधिवेशन गर्ने तयारी छ ।