नेकपा एसमा सनाखत माग गर्दै कैलालीकी राष्ट्रिय सभा सदस्य शारदा भट्टद्वारा सर्वोच्चमा रिट

धनगढी । कैलालीबाट राष्ट्रिय सभामा प्रतिनिधीत्व गर्ने शारदा भट्टले माधव नेपाल अध्यक्ष रहेको नेकपा (एस)मा सनाखत गर्न पाउनुपर्ने भन्दै सर्बोच्च अदालतमा रिट दायर गरेकिछन् । उनिसंगै पाल्पा क्षेत्र नं.– २ बाट निर्वाचित सांसद सोमप्रसाद पाण्डेले पनि  एकीकृत समाजवादी पार्टीमा सनाखतको माग गर्दै रिट दायर गरेका हुन् ।

दुवैजनाले उनीहरूले एमाले छाडेर आफूहरू एकीकृत समाजवादीमा गएकाले निर्वाचन आयोग, संसदीय संसद्, सभामुख र राष्ट्रियसभाका अध्यक्षलाई विपक्षी बनाई रिट दायर गरेका हुन् । दुवैले आफूहरूले एमाले परित्याग गरेर नेकपा (एस) रोजे पनि आयोगले सनाखत नगराएको रिटमा उल्लेख गरेका छन् ।

सांसद पाण्डे र भट्टले एमालेको अभिलेखबाट आफूहरूलाई हटाउन र एकीकृत समाजवादीको अभिलेखमा राख्न  अन्तरिम आदेश माग गरेका हुन् । पाण्डे एकीकृत समाजवादीका अध्यक्ष माधवकुमार नेपालका सम्धी हुन् ।

उनीहरूले गत ९ भदौमा एकीकृत समाजवादी दल दर्तामा रहेको प्रक्रियामा सनाखतका लागि आयोगमा उपस्थित हुँदा पनि सनाखत नगराएको रिटमा उल्लेख गरेका छन् । विधिवत् रूपमा सनाखतका लागि निवदेन दिएर आयोगमा उपस्थित हुँदा पनि आयोगले सनाखत नगरेको रिटमा भनिएको छ ।

‘हामी निवेदकलाई विधिवत सनाखत गराई एकीकृत समाजवादीको अभिलेखमा जनाउनुपर्नेमा विपक्षी आयोगले सो नगरी हालसम्म पनि हाम्रो नाम एमालेको अभिलेखमा जनाइरहेको भन्दै उनिहरुले आपत्ति जनाएका छन् ।