संसद विघटन पछि एमाले भित्र बनेको समानान्तर कमिटी नेकपा (एस) परिणत

धनगढी । नेकपा एमालेका अध्यक्ष केपि ओलीले संसदन विघटन गरेसंगै भएको विवादका कारण कैलालीमा गठन गरिएको समानान्तर कमिटि नेकपा ( एकीकृत समाजवादी) मा परिणत भएकोछ । शुक्रबार धनगढीमा बसेको समानान्तर कमिटीको बैठकले यस अघि संसद विघटनका विरोध गर्न गठन गरिएको समानान्तर कमिटिलाई नेकपा (एस) मा परिणत गर्ने निर्णय गरेको कमिटीका सचिव विमल जोशीले बताए ।

एमालेका निर्वाचित अध्यक्ष दीर्घ सोडारी अध्यक्ष रहेको १ सय ५१ सदस्यीय समानान्तर कमिटी नेकपा (एस) मा गएको हो । कैलालीमा नेकपा एमालेको ९ औं महाँधिवेसनबाट निर्वाचि पदाधिकारी मध्य ५६ जनाले नेकपा (एस) रोजेका छन् । एमाले कैलालीको जिल्ला कार्यसमिति ९६ सदस्यीय रहेकोछ ।

जसको अध्यक्ष हाल नेकपा (एस)मा लागेका दिर्घ सोडारी थिए । एमालेमा विवाद हुँदा सोडारीको नेतृत्वमा बनेको समानान्तर कमिटी नै नेकपा (एस) मा आएको सचिव जोशीको दावी छ ।

समानान्तर कमिटिलाई नेकपा (यस)मा परिणत गरियसंगै शुक्रबार नै नेकपा (एस) को प्रथम बैठक बसेको छ ।

केन्द्रीय सदस्य माया भट्टको प्रमुख आथित्यतामा भएको बैठकमा पुराना नेता दिनेश चन्द्र सुवेदी, हनुमान चौधरी, तत्कालिन एमालेका प्रदेश कमिटी सदस्य लक्ष्मण कुँवर, कलावती जोशी, हिक्मत कुँवर लगायतको उपस्थिति रहेको छ ।