कांग्रेस बाजुराको क्रियाशिल सदस्य विवरण सार्वजनिक, कैलालीको भने अझै सार्वजनिक भएन

धनगढी । नेपाली कांग्रेसले सुदूरपश्चिमको बाजुरा लगायत थप ७ जिल्लाको क्रियाशील सदस्यताको सूची सार्वजनिक गर्दा कैलालीको क्रिायाशिल सदस्यको सूचि भने सार्वजनिक गरेको छैन । 
बुधबार निर्वाचन समितिका संयोजक महादेवप्रसाद यादवले काठमाडौं, काभ्रे, कपिलवस्तु, बाजुरा, मोरङ, सिन्धुपाल्चोक र बर्दियाका क्रियाशील सदस्यको सूची सार्वजनिक गरिएको बताए । 
क्रियाशील सदस्यता विवादित रहेका २१ जिल्लामध्ये ७ जिल्लाको नाम पार्टीको वेबसाइटमा राखिएपनि कैलाली लगायत १३ जिल्लाको क्रिायाशिल विवरण भने अझै साईटमा राख्न बाँकी रहेको उनले बताए । 
कांग्रेसले सुदूरपश्चिमका ७ सहित ५६ जिल्लामा वडा अधिवेशन सम्पन्न गरेकोछ । सभापतिले क्रियाशीलको अन्तिम सूची पठाएपछि निर्वाचन समितिबाट पार्टी वेबसाइटमा राखेर सार्वजनिक गरिने वैधानिक व्यवस्था कांग्रेसमा छ ।
कांग्रेसले २१ जिल्लामा असोज ५ का लागि वडा अधिवेशन तोकेको छ। काठमाडौंलगायत क्रियाशील सूची सार्वजनिक भएका जिल्लामा असोज ५ मा अब अधिवेशन हुने भएको छ । 
कैलालीमा क्रियाशिल सदस्यको सूचि सार्वजनिक नहुँदा ५ गते अधिवेसन हुने वा नहुने भन्ने अन्यौल बढेकोछ । कैलालीका लागि निर्वाचन अिधकृत तोकिएका टेकराज सुवेदिले भोली (बिहीबार) सम्म क्रियाशिल सदस्यताको विवरण सार्वजनिक भएमा कैलालीमा असोज ५ मा वडा अधिवेसन गर्न सकिने बताए । तर सदस्यता विवाद लम्बिएमा भने अधिवेसन पनि लम्बिने उनको भनाईछ ।