सवारी दुर्घटनामा परी घाइते भएका जोशीको निधन

धनगढी । पाँच दिन अघि सवारी दुर्घटनामा परी घाईते भएका बैतडीका उद्धब जोशीको उपचारका क्रममा निधन भएकोछ । दशरथ चन्द नगरपालिका–५ पाटनबाट खोड्पे जाँदैगर्दा से १ ज ६३४ नम्बरको जीपले पक्कर दिंदा मोटरसाईकलमा सवार ३६ बर्षिय जोशी घाइते भएका थिए ।

उनको उपचारका क्रममा काठमाण्डौं स्थित न्युरो हस्पीटलमा निधन भएको आफन्त पुस्कर भण्डारीले बताए । उनको उपचारका लागि हेली एम्बुलेन्स मार्फत काठमाण्डौं लगिएको थियो ।

मृतक जोशीले चलाएको मोटरसाईकलमा पछाडी सवार गरिरहेका सोहि ठाँउका ७३ वर्षीय अन्तराम पन्त र जिप चालक पाटन १ का ज्ञानेन्द्र भट्टराई घाइते भएका दुवैजनाको उपचार भइरहेको जनाइएकोछ ।