अपरिचित पुरुषको कर्णालीमा शव भेटियो

धनगढी । कैलालीको जोशिपुर स्थित कर्णाली नदी किनारमा एक जना अपरिचित पुरुषको शव भेटिएकोछ ।

प्रहरीका अनुसार जानकी गाउँपालिका–९ शिवशक्ति सामुदायिक वन पछाडि कर्णाली नदीको किनारमा मृत भेटिएका पुरुष अन्दाजी ४५ बर्षको हुन सक्ने अनुमान गरिएकोछ । इलाका प्रहरी कार्यालय टीकापुरका प्रहरी नायव निरीक्षक प्रकाश सापकोटाका अनुसार शव सडेको अवस्थामा भेटिएकाका कारण पहिचान गर्न समस्या भएकोछ । शव नदीले बगाएर ल्याएको हुन सक्ने अनुमान गरिएकोछ । सो विषयमा थप अनुसन्धान भइरहेको प्रहरी नायव निरीक्षक सापकोटाले  बताए ।