बैतडी व्यापारी हत्या प्रकरण : मदिरा सेवन पछि विवाद हुँदा हत्या भएको आसंका

धनगढी । मदिरा सेवान पछि विवाद हुँदा बैतडीमा व्यवपारीको हत्या भएकोे प्रारम्भिक अनुमान गरिएको छ ।

बैतडीको सुनर्या गाउँपालिका–४ लेकडाँडाका ५५ बर्षिय कमल सिंह महरा बिहीबार विहान स्थानीय सन्सेरीमाण्डौं बजार नजिकै मृत अवस्थामा भेटिएका थिए । मृतक महरा सोही ठाउँमा मासु पसल सञ्चालन गर्दै आएका थिए ।

घटनाको अनुसनधान गरिरहेको प्रहरीका अनुसार सामुहिक मदिरा सेवन पछि झगडा हुँदा व्यापारीको हत्या भएको प्रारम्भिक अनुमान गरिएकोछ । हत्याको छानविन गर्न प्रहरीले मृतक संगै महिदा सेवन गरेका दुई जना स्थानीय व्यापारीसहित सातजनालाई नियन्त्रणमा लिएको जनाइएकोछ । घटनामा संलग्नता रहेको आशंकामा प्रहरीले सातजनालाई नियन्त्रणमा लिएको बैतडीका प्रहरी प्रवक्ता, प्रहरी निरीक्षक दर्शन खड्काले बताए ।

अनुसन्धानका लागि इलाका प्रहरी कार्यालय पाटनका प्रमुख राजेश शाही नेतृत्वको टोली घटनास्थलमा खटिएको थियो । शव परीक्षणका लागि जिल्ला अस्पतालमा राखिएको छ । प्रहरीका अनुसार फलामको रड प्रहार गरी व्यापारीको हत्या गरिएको देखिएकोछ ।