दुई ग्राम खैरो हिरोईन सहित धनगढीका युवक अत्तरियाबाट पक्राउ

धनगढी । कैलालीको गोदावरीबाट दुई ग्राम खैरो हिरोईन सहित धनगढीका एक युवक पक्राउ परेका छन् ।

जिल्ला प्रहरी कार्यालय कैलालीका अनुसार गोदावरी नगरपालिका–२ अत्तरीया स्थित पहाड रोडमा रहेको सोभान गड्सेरा होटलबाट २ ग्राम अवैध लागूऔषध खैरो हेरोईन सहित धनगढी–४ बस्ने ३७ वर्षीय बिरेन्द्र खडकालाई बिहीबार राती पक्राउ गरिएको हो ।

होटलमा लागु औषध कारोवार भइरहेको भन्ने सुचनाका आधारमा प्रहरीले छानविन गर्दा खड्कालाई हिरोईन सहित पक्राउ गरिएको जिल्ला प्रहरी कार्यालय कैलालीका प्रबक्ता प्रहरी नायव उपरिक्षक प्रतिक विष्टले बताए । पक्राउ परेका खड्का माथी छप अनुसन्धान भइरहेको उनले बताए ।