कांग्रेसको नगर र गाउँ अधिवेशन सुरु

धनगढी । नेपाली कांग्रेसको २४ औं महाधिवेसन अन्तरगत वडा अधिवेसन सम्पन्न भएका जिल्लामा शुक्रबारदेखी पालिका स्तरिय अधिवेसन सुरु भएकोछ ।

सुदूरपश्चिममा कैलाली बाहेक नेपाली कांग्रेसले ८ जिल्लामा वडा अधिवेसन टुङ्ग्याएकोछ । डडेल्धुरामा भने एकलौटी वडा अधिवेसन गरिएको भन्दै वर्तमान सभापति कर्ण मल्ले विरोध गरेका कारण विवाद चर्किएकोछ । जसका कारण डडेल्धुरामा पालिका अधिवेसन सुरु हुन सकेको छैन ।

यसका अलावा सुदूरपश्चिम प्रदेशका ७ जिल्लामा भने कांग्रेसले पालिका स्तरिय नगर सभा र गाउँसभा अधिवेसन शुक्रबार देखी सुरु गरेकोछ । प्रदेशभर कांग्रेसको १४औँ महाधिवेशन अन्तर्गत पूर्व निर्धारित मितिअनुसार वडा अधिवेशन सम्पन्न भएका जिल्लाहरुमा आजदेखि गाउँ र नगर अधिवेशन सुरु भएको हो ।