सुदूरपश्चिमका २१ जनामा कोरोना संक्रमण, १ जनाको मृत्यु

धनगढी । सुदूरपश्चिममा शनिबार २१ जनामा कोरोना संक्रमण पुष्टि भएकोछ । स्वास्थ्य निर्देशनालय डोटीका अनुसार शनिबार प्रदेशका १ हजार ४४ जनाको कोरोना परिक्षण गर्दा २१ जनामा संक्रमण पुष्टि भएकोहो ।

निर्देशनालयका अनुसार शनिबार १ सय ८७ जनाको पिसिआर विधिबाट कोरोना परिक्षण गर्दा २१ जनामा संक्रमण पुष्टि भएको हो । यो संगै सुदूरपश्चिममा कोरोना संक्रमण पुष्टि हुनेको संख्या ४७ हजार ८८ पुगेकोछ ।

निर्देशनालयका अनुसार शनिबार कोरोनाका कारण सुदूरपश्चिममा  १ जनाको मृत्यु भएकोछ । मृत्यु हुनेमा अछामका २८ बर्षिय पुरुष रहेका छन् । यो संगै सुदूरपश्चिममा कोरोनाका कारण मृत्यु हुनेको संख्या ५ सय ९२ पुगेकोछ ।

शनिबार सुदूरपश्चिममा ४१ जना कोरोना निकोभएर घर गएका छन् । यो संगै सुदूरपश्चिममा कोरोना निकोहुनेको संख्या ४६ हजार ३ सय ११ पुगेकोछ ।