आज सुदुरपश्चिममा थपिएका ९८ मध्य ६९ डोटीका मात्रै

धनगढी,

  धनगढी स्थित कोरोना परिक्षण प्रयोगशालामा आज कोरोना पुष्टी भएका ९८ मध्य ६९ जना डोटीका मात्रै रहेका छन् ।

   सेती प्रादेशिक अस्पताल धनगढीद्वारा जारी प्रेस विज्ञप्ति अनुसार आज डोटीमा १३ महिला र ५६ पुरुषमा कोरोना संक्रमण पुष्टी भएको छ । यो संगै डोटीमा कोरोना संक्रमितको कुल संख्या २ सय ९२ पुगेको छ ।

  आज डोटीमा देखिएका संक्रमितहरुमा सबै भन्दा बढी पूर्वीचौकी गाउँपालिकाका रहेका छन् । पुर्वीचौकीमा ६ महिला र ३९ पुरुष गरी ४५ जनामा कोरोना संक्रमण पुष्टी भएको छ ।

  यस्तै आज नै डाटीको आदर्श गाउँपालिकाका ६ महिला र १३ पुरुष गरी १९ जना, के आई सिंह गाउँपालिकाका दुई जना पुरुष, कुमारीकोट डोटीका एक महिला र एक पुरुष तथा दिपायल सिलगढीका एक जना पुरुषमा कोरोना संक्रमण पुष्टी भएको हो ।