एक लाख २२ हजार नगद सहित १५ जुवाडे पक्राउ

धनगढी । कञ्चनपुरमा एक लान २२ हजार नगद सहित १५ जना जुवाडे पक्राउ परेका छन् ।

इलाका प्रहरी कार्यालय दोधाराको टोलीले बुधबामर राती दोधाराचाँदनी नगरपालिका स्थित एक व्यक्तिको घरमा जुवा खेलिरहेको अवस्थामा नगद १ लाख २२ हजार नगद सहित १५ जनालाई जुवा खालबाटै पक्राउ गरेको हो ।

जिल्ला प्रहरी कार्यालयका प्रवक्ता डिएसपी सिद्धराज न्यौपानेका अनुसार झोलुङ्गे पुल नजिक एक घरमा जुवा खेलाईएको सूचनाको आधारमा छापा मारिएको थियो । गोप्य सूचनाका आधारमा स्थानीय मोहन सिंहको घर छापा मार्दा नगद सहित जुवा खेलिरहेको अवस्थामा जुवाडे पक्राउ परेका न्यौपानेले बताए । उनिहरुलामुलुकी अपराध संहिता ऐन अन्तरगत कार्वाही प्रक्रिया अघि बढाईने जिल्ला प्रहरी कार्यालयले जनाएको छ ।