ब्राउन सुगर र चरेस सहित महिला पक्राउ

धनगढी । धनगढी उप–महानगरपालिका वडा नम्बर–१३ बाट ९ ग्राम दुई सय ७० मिलिग्राम ब्राउन सुगर र ४४ ग्राम ७ सय ७० मिलिग्राम चरेश सहित एक जना महिला पक्राउ परेकिछन् ।

पक्राउ पर्नेमा डडेल्धुराको अजयमेरु गाउँपालिका–४ घर भई हाल धनगढी–१३ मा कोठा भाडामा लिएर बस्दै आएकी ३४ बर्षिया आशा विष्ट रहेकिछन् । विष्टले लागु औषध ओसार सपार गरिरहेको भन्ने गोप्य सूचनाका आधारमा उनको कोठामा छापा मार्दा सो लागु औषध बरामद गरिएको जिल्ला प्रहरी कार्यालय कैलालीले जनाएको छ । उनको साथबाट २० हजार १२ रुपैंया नगद समेत बरामद गरिएको जनाइएको छ ।

पक्राउ परेकी विष्टमाथी लागु औषध शिर्षकमा मुद्धा दायर गरेर थप अनुसन्धान भइरहेको जिल्ला प्रहरी कार्यालय कैलालीका प्रबक्ता प्रहरी नायव उपरिक्षक प्रतिक विष्टले बताए ।