डोटी, डडेल्धुरा, कैलाली र कञ्चनपुर सेमीफाइमलमा

धनगढी । प्रथम सुदुरपश्चिम प्रदेश स्तरिय पुरुष भलिबल प्रतियोगिताको फाइनलमा डोटी, कन्चनपुर, डडेल्धुरा र कैलाली सेमीफाइनलमा प्रवेश गरेका छन् ।

धनगढीमा भैरहेको उक्त प्रतियोगितामा आज (बिहीवार) भएका भएका खेलमा समुह क बाट समूह ‘क’ बाट डोटी विजेता र कञ्चनपुर उपविजेता हुँदै सेमिफाइनलमा प्रवेश गरेका हुन् । त्यस्तै   समूह ‘ख’ बाट डडेल्धुरा विजेता र कैलाली उप विजेता बन्दै सेमिफाइनलमा प्रवेश गरेका छन्

समुह क मा डोटी कञ्चनपुरलाई ३–० को सोझो सेटमा पराजित गर्दै समूह विजेता बनेको हो । बिहीवार डोटीसँग पराजित भएको कञ्चनपुरले बैतडीलाई ३–१ को सेटमा पराजित गरेसँगै कञ्चनपुर पनि सेमिफाइनलमा स्थान बनाउन सफल भएको हो ।

समूह ख बाट डडेल्धुरा विजेता र कैलाली उप विजेता बन्दै सेमिफाइनलमा प्रवेश गरेका हुन् । दार्चुलालाई ३–० को सोझो सेटमा पराजित गर्दै डडेल्धुरा समूह विजेता बनेको छ भने कैलालीले बाजुरालाई ३–० को सोझो सेटमा पराजित गर्दै सेमीफाइनफलको  यात्रा सुरक्षित गरेको हो ।

प्रतियोगितामा प्रदेशका ९ वटै जिल्लाका टिमहरूले सहभागिता रहेको छ ।  सुदूरपश्चिममै पहिलो पटक म्याटमा प्रतियोगिता सञ्चालन भइरहेको हो ।