खैरो हिरोइन सहित ६ जना पक्राउ

खैरो हिरोइन सहित ६ जना पक्राउ
धनगढी । खैरो हिरोइन सहित धनगढीबाट ६ जना पक्राउ परेका छन् । जिल्ला प्रहरी कार्यालय कैलालीका अनुसार धनगढी–२ बस्ने २५ बर्षिय राजु गुप्ता र २७ वर्षका किरन भुजेल पक्राउ परेका हुन् । दुवै जनालाई रामजानकी मन्दीर नजिकैबाट पक्राउ गरिएको प्रहरीले जनाएको छ । दुवै जनालाई शंकास्पद रुपमा हिडिरहेको देखेपछि चेकजाँच गर्दा ३ ग्राम एक सय  मिलिग्राम खैरो हिरोईन भेटिएको जिलला प्रहरी कार्यालय कैलालीका प्रबक्ता प्रहरी नायव उपरिक्षक प्रतिक विष्टले बताए । पक्राउ परेका उनिहरुमाथी थप छानविन भइरहेको जनाइएको छ ।
यसैगरी धनगढी उप–महानगरपालिका १३ राजपुरका १८ बर्षिय युवक आकाश, सोही ठाउँका १८ बर्षिय राजेश राना, १८ बर्षिय राजकुमार राना र धनगढी–८ घर भएकी १८ बर्षिया सुजिता राना  लाई पनि लागु औषध सहित प्रहरीले पक्राउ गरेको छ । उनिहरुलाई कोठामा बसी लागु औषध सेवन गरी रहेका अवस्थामा भेटिएका प्रहरीले जनाएको छ । उनिहरुको साथबाट ३ ग्राम ६ सय ९० मिलिग्राम लागु औषध (खैरो हिरोईन) बरामद गरीएको जिल्ला प्रहरी कार्यालय कैलालीले जनाएको छ ।

पक्राउ परेकमा ६ जनालाई नियन्त्रणमा लगेर थप छानविन भइरहेको प्रहरीले जनाएको छ ।