समिट एयरको जहाजमा समस्या हुँदा धनगढी विमानस्थल अवरुद्ध

धनगढी । उड्न लागेको वीमान धावन मार्गको विचमा रोकिएपछि धनगढी विमान स्थल अबरुद्ध बनेको छ ।

बाजुराका लागि उडान भर्ने क्रममा चक्कामा समस्या अएपछि समिय एउरको विमान धनगढी विमान स्थलको विच धावन मार्गमा अड्किएको धनगढी विमानस्थलका प्रमुख रामकृष्ण भट्टले बताए । उनका अनुसार विमानको टायरमा प्राविधिक समस्या देखिएको छ ।

जसका कारण सो जहाज उड्न नसकेर धावनमार्गमा रोकिएको उनले बताए । समिट एअरको जहाज विमान स्थलको विच धावन मार्गमा रोकिए पछि धनगढी विमान स्थलका अन्य उठान समेत प्रभावित बनेका छन् ।

धावन मार्गको विचभागमा समिटको जहाज रोकिएपछि काठमाण्डौ बाट धनगढी आउने तालिका रहेको बुद्ध एअरको जहाज रोकिने भएको छ भने धनगढीबाट काठमाण्डौंका लागि उडान भर्न तयार रहेको श्री एअरको जहाजको उडान स्थगित गरिएको जनाइएको छ ।

धावन मार्गबाट समिटको जहाज नहटाए सम्म अर्को उडान हुन नसक्ने विमान स्थल प्रमुख भट्टले बताए । 

विमान स्थलका प्रमुख भट्टका अनुसार जहाज ग्राउण्डेड भएको र धावनमार्गबाट हटाउने प्रयास भइरहेको छ ।