ढुंगा संकलन गर्न गएका ट्याक्टर चालक नदीमा बगेर वेपत्ता

धनगढी । कैलालीमा ढुंगा संकलन गर्न गएका ट्याक्टर चालक नदीमा बगेर वेपत्ता भएका छन् । वेपत्ता हुनेमा कैलालीको गोदावरी नगरपालिका–८ का ३० बर्षिय गणेश आउजी रहेका छन् । उनको खोजि कार्यका लागि नेपाल प्रहरी, शसस्त्र प्रहरीको गोताखोर टोली र स्थानीय वासी खुटिया नदीमा खटिएका छन् ।

जिल्ला प्रहरी कार्यालय कैलालीका प्रबक्ता प्रहरी नयव उपरिक्षक प्रतिक विष्टका अनुसार ढुंगा संकलन गर्दै गर्दा एक्कासी नदीमा पानीको बहाव बढेका कारण ट्याक्टर चालक आउजी बगेको हुन सक्ने अनुमान गरिएको छ । आइतबार राती देखी कैलालीमा भइरहेको अविरल बर्षाका कारण खोलानालामा पानीको बहाव बढेको छ ।