सुदूरपश्चिमका पहाडी जिल्ला सम्पर्क विहीन

धनगढी । लगातारको बर्षाका कारण सुदूरपशिचम प्रदेशका ७ वटा पहाडी जिल्ला सम्पर्क विहिन बनेका छन् । पहाडी जिल्लामा विद्युत सेवा पूर्ण रुपमा अबरुद्ध बनेको छ भने, सञ्चार सेवा समेत प्रभावित बनेको छ । नेपाल विद्युत प्राधिकरण अत्तरियाका प्रादेशिक प्रमुख जंगबहादुर चन्दका अनुसार कैलालीको खानीडाँडामा रहेको नेपाल विद्युत्त प्राधिकरणको १ सय ३२ केभी ट्रान्समिसन लाइनमा सल्लाको रुख ढल्दा पहाडी जिल्लाको विद्युत सेवा अवरुद्ध भएको हो । सो ट्रान्सिमिसन लाईन तत्काल मर्मत गर्न असम्भव रहेका कारण पहडी क्षेत्रमा तत्काल विद्युत प्रशारण गर्न सम्भव नरहेको उनले बताए । ‘१ सय ३२ केभी प्रसारण लाइन तत्काल पुनर्निमाण गर्न असम्भव छ’ प्रदेश प्रमुख चन्दले भने,‘अहिले ३३ केभी प्रसारण लाईन कनेक्ट गरेर बिद्युत प्रवाह गर्ने प्रसायभ इरहेको छ, मौसममा समस्या देखिएका कारण लाइन निर्माणमा समस्या भइरहेको छ ।’

लगातारको बर्षा पनि टेलिकमका टावर चार्ज हुन नपाएर बिटिएस प्रणाली डाउन हुँदा प्रदेशका ७ वटै पहाडी जिल्लामा सञ्चार सेवा समेत अबरुद्ध बनेको छ । विद्युत नहुँनु र सोलारबाट चार्ज हुने टावर तीन दिन देखी चार्ज हुन नपाएका कारण विटिएस प्रणाली डाउन भई पहाडी जिल्लामा नेटवर्क समस्या देखिएको नेपाल टेलिकमका क्षेत्रिय निर्देशक नामाकर न्यौपानेले बताए । खाँनीडाँडामै विद्युत प्राधिकरणको पोल मार्फत लगिएको नेपाल टेलिकमको फाइवर लिंक (एडीएसएस) पनि टुटेपछि पहाडी जिल्ला सञ्चार र विद्युतका दुईवटै सेवाबाट बञ्चित भएका हुन ।

टेलिफोन र बिजुली नहुँदा डडेल्धुरा, डोटी, अछाम, बाजुरा, वझाङ, बैतडी, र दार्चुला सम्पर्कविहीन भएका छन् । पहाडी जिल्लामा सञ्चार विच्छेद हुँदा बर्षाबाट भएको क्षेतिको विवरण संकलन गर्न समेत समस्या भएको छ ।