सुदूरपश्चिममा बाढीपहिरोमा परी २५ जनाको मृत्यु २२ वेपत्ता, ८७ पशु चौपाया मेर

धनगढी । आइतबारदेखि भएको वेमौसमी बर्षाका कारण आएको बाढी र पहिरोमा परेर सुदूरपश्चिममा मृत्यु हुनेको संख्या २५ पुगेको छ । बाढी पहिरोमा परेर २२ जना वेपत्ता भएका छन् ।

सुदूरपश्चिम प्रदेश प्रदेश प्रहरी कार्यालयका प्रवक्ता वरिष्ठ प्रहरी उपरीक्षक विक्रम चन्दका अनुसार डोटीका ११, डडेल्धुराका दुई, बझाङका ८, बैतडीकामा ४ जनाको मृत्यु भएको छ ।

मृत्युहुनेमा डोटीको जोरायल गाउँपालिका–३ का ११ बर्षिय आशिष कुन्जेडा र १४ बर्षिय सागर कुन्जेडा रहेका छ्न । बाढी पहिरोमा परेर डोटीकै सायलका ६३ बर्षिय जोगी सार्की, ४२ बर्षिय शेर बहादुर विक, मोहन बि.क, १३ बर्षिया पबित्रा बि.क, १६ बर्षिया रबिन बि.कको पनि बाढी पहिरोमा परेर मृत्यु भएको छ । यसैगरी डोटीकै शिखर नगरपालिका–११ की ३६ बर्षिया मन्धरा बलायरको मृतयु हुँदा डोटीकै सायल गाउँपालिका–५ की  ५५ बर्षिया झुपरी सार्की, ५८ बर्षिय हिरुवा लुहार र ७५ बर्षिय देव डुङ्गेलडको पनि बाढी पहिरोमा परेर मृत्यु भएको प्रदेश प्रहरी कार्यालय धनगढीका प्रबक्ता बिक्रम चन्दले बताए ।

अबिरल बर्षा पछि खसेको पहिरो घर माथी पस्दा च्यापिएर डडेल्धुरामा  दुई जनाको मृत्यु भएको छ । प्रहरी प्रबक्ता चन्दका अनुसार मृत्यु हुनेमा गन्यापधुरा गाउँपालिका–१ भात्काडाका ३२ वर्षीय विष्णु अवस्थी रहेका छन् । डडेल्धुरामै खोलाले बगाउँदा गन्यापधुरा गाउँपालिका–३ की ६५ वर्षीय नर्मदादेवी शाहीको मृत्यु भएको प्रबक्ता चन्दले बताए ।

अबिरल बर्षाका कारण आएको बाढी पहिरोमा परेर बैतडीमा ४ जनाको मृत्यु भएको छ । मृत्यु हुनेमा बैतडीको सुर्नया गाउँपालिका–५ बिष्टपाली बस्ने ७१ वर्षीया परुदेवी महरा रहेकी छन् । यसैगरी बैतडीकी २५ बर्षिया भानु पार्की, २१ बर्षिया पबित्रा पार्की र ३ बर्षिय देवन पार्की रहेका छन् ।

यसैगरी बाढी पहिरोमा परेर बझाङमा मृत्यु हुको संख्या ८ पुगेको छ । बझाङका पत्रकार डिबि विष्टले दिएको जानकारी अनुसार मृतक मध्य ५ जनाको अन्तिम संस्कार समेत गरिएको छ । उनका अनुसार मृत्यु हुनेमा थलारा गाउँपालिका–४ डिक्लामा पहिरोमा परेर वेपत्ता भएका मध्य ३ जना (६ बर्षिय शुवास सार्की, ४ बर्षिय बिकास सार्की र ७ बर्षिय आयुष पार्की) मृतक भेटिएका छन् ।

यसै गरी बझाङको छविस पाथिभेरा गाउँपालिका–६ का १० बर्षिय कालु कठायतको स्थानीय घट्टे खोलाले बगाएर मृत्यु भएको छ । त्यसैगरी बझाङकै खप्तडछान्ना गाउँपालिका–४ का धर्मराज रोकायाको घर माथीबाट पहिरो गएर घर पुरिँदा रोकाया सहित उनकी श्रीमती जयसरा रोकायाको ज्यान गएको सुदूरपश्चिम प्रदेश प्रहरी कार्यालयले जनाउको छ । यसैगरी खप्तडछान्ना गाउँपालिकाकै वडा नम्बर ५ मा पहिरोले घर पुर्दा बिरु गिरीको ज्यान गएको र उनकी श्रीमती चन्द्रा गिरी बेपत्ता भएकी छिन् ।

प्रदेश प्रहरी प्रबक्ता चन्दका अनुसार बझाङको थलारा गाउँपालिका–४ डिख्लामा पहिरो जाँदा अझै २० जना वेपत्ता छन् । मंगलबार बिहान गएको पहिरोमा परी ७ घर बगेका र २३ जना वेपत्ता भएका उनले बताए । बेपत्ता हुनेमा हाशुदेवी पार्की, सिमाकुमारी पार्की, हिमाकुमारी पार्की, हर्कु सार्की, धनगिरी सार्की, सिता सार्की, परभास सार्की, भुमिका सार्की, सिरन्जिबि सार्की, ईश्वरा देवी सार्की, संदिप सार्की र सबिना सार्की रहेका छन् । सोही ठाउँका सरोज सार्की, सर्मिला कुमारी सार्की, पम्मा सार्की,  मदन सार्की, कलु सार्की, र एलिशा सार्की पनि बेपत्ता छन् ।

यसै गरी लगातारको बर्षा पछि आएको बाढीमा परी कैलालीमा  १ बेपत्ता छन् । प्रहरी प्रबक्ता चन्दका अनुसार डोटीको सायल गाउँपालिका १ रोकाया गाउँ बस्ने ७४ वर्षीय बिरे रोका स्थानीय खोलाले बगाउँदा वेपत्ता भएका छन् । लगातारको बर्षाका कारण बाढी पहिरोमा परी डोटीमा तीन, डडेल्धुरामा दुई र बैतडीमा दुई जना घाइते भएका छन् ।

लगातारको बर्षाका कारण सुदूरपशिचममा ८७ पशु चौपाया मरेका छन् । प्रदेश प्रकरी कार्यालयका अनुसार ५ भैंसी, ५ गाई, १ बाख्रा, २२ कुखुरा र ५५ बंगुर मरेका छन् । यसैगरी ३६ बंगुर हराएका छन् ।