सुदूरपश्चिममा एमालेको अधिवेसन विवाद

धनगढी । सुदूरपश्चिमका कतिपय स्थानमा नेकपा एमालेको वडा अधिवेसन सम्पन्न भइसक्दा नेकपा एमालोक उपाध्यक्ष भीम रावलले भने वडा अधिवेसन नभएको दावी गरेका छन् । उनले सुदूरपश्चिमका कुनैपनि वडामा एमालेको वडा अधिवेसन भएको बारेमा आफुलाई जानकारी नभएको बताएका हुन् ।

सोमबार काठमाण्डौं स्थित एमाचार संस्था संग बोन्दै रावलले वडा अधिवेसनका बारेमा जनाकारी नभएको भन्दै सुदूरपश्चिममा एमालेको वडा स्थितरिय अधिवेसन नभएको बताए ।

तर नेकपा एमालेका सुदूरपश्चिम प्रदेश अध्यक्ष कर्ण थापाले भने बाढी पहिरो प्रभावित जिल्ला बाहेकका सुदूरपश्चिमका जिल्लामा एमालेको वडा अधिवेसन सम्पन्न भइसकेको बताए । कैलाली, कञ्चनपुर, बैतडी, बझाङ र डोटीका केही स्थानमा बाढी पहिरोका कारण वडा अधिवेसन हुन नसकेको बताउँदै उनले अन्य क्षेत्रमा भने वडा अधिवेसन सम्पन्न भइ पालिका स्तरिय अधिवेसन गर्ने तयारी भइरहेको बताए ।

एमाले उपाध्यक्ष भीम रावलले भने सुदूरपश्चिमका कुनै पनि जिल्लामा वडा अधिवेशन नभएको दावी गरेका छन् । रावलले वडा अधिवेशनको विवरण आफूलाई प्राप्त नभएको बताए । ‘वडा अधिवेशनको विवरण प्राप्त भएको छैन, सुदूरपश्चिममा कहीँ पनि वडा अधिवेशन भएको छैन,’ रावलले भनेका छन्,’कर्णालीको पनि कतिपय क्षेत्रमा वडा अधिवेसन भएको छैन ।’

एमोले सुदूरपशिचम प्रदेश अध्यक्ष कर्ण थापाका अनुसार बाजुरा, दार्चुला, अछाम, डाटी र डडेल्धुराका केही स्थानमा एमालेको वडा अधिवेसन सम्पन्न भइसकेको बताए । ‘बाढी पहिरोका कारण समस्या भएका स्थानमा यही कार्तिक १२ र १५ गते वडा अिधवेसन सम्पन्न गर्न निर्देशन भएको छ,’ थापाले भने,‘वडा अधिवेसन भइसकेका स्थानमा पालिका स्तरिय अधिवेसनको तयारी भइरहोके छ ।’ वडा स्तरमा सोचे भन्दा राम्रो तरिकाले निर्बिरोध रुपमा नेतृत्व चयन भएको समेत उनले बताए । उनका अनुसार आज (मंगलबार) देखी पालिका स्तरिय अधिवेसन सुरु हुने छ । पालिका स्तरिय अधिवेसनका लागि सवै तयारी भइसकेको उनले बताए ।

उनले एमाले उपाध्यक्ष रावलले वडा अधिवेसन नभएको भन्ने अभिव्यक्ति दिएर पार्टिमा विवाद छ भन्ने देखाउन खाजेको आरोप लगाए । ‘उहाँले एमालेमा विवाद छ भन्ने देखाउन खोज्नु भएको जस्तो आसय दिनु भएको छ,’ थापाले भने,‘तर एमालेमा अव कुनै विवाद छैन, कसैले चाहेर पनि अव एमालेमा त्यसतो अवस्था ल्याउन सक्दैनन् ।’ उपाध्यक्ष रावल विवाद सिर्जना गर्नमै केन्द्रित हुँदा पार्टीका काम गर्न भुलेका कारण वडा स्तरिय अधिवेसन भएको थाहा नपाएको हुन सक्ने थापा बताउँछन् ।

वडा अधिवेसनबाट धेरै युवा नेतृत्वमा आएको बताउँदै प्रदेश अध्यक्ष थापाले त्यसले एमालेको आकर्षण छ भन्ने प्रष्ट देखाएको बताए । ‘वडा अधिवेसन पछि युवाको रोजाईमा एमाले परेको प्रष्ट हुन्छ,’ उनले भने,‘त्यसरी आकर्षण बढ्नुको पछाडी एमाले अध्यक्ष केपि ओलीको भूमीका छ, किनकी ओलीमा मात्रै देश हाँक्न सक्ने क्षमता छ भन्ने युवाले बुझेका छन् ।’