मोटरसाईकल दुर्घटना हुँदा १ जनाको मृत्यु

धनगढी । मोटसाईकल दुर्घटना हुँदा धनगढीमा १ जनाको मृत्यु ।

जिल्ला प्रहरी कार्यालय कैलालीका अनुसार धनगढी उपमहानगरपालिका–३ पानी ट्याङ्कीबाट भन्सार तर्फ जाँदै गरेको म २प ७६३० नम्बरको मोटरसाईकल अनियन्त्रित भइ पल्टिदा मोटरसाईकल चालकको मृत्यु भएको जिल्ला प्रहरी कार्यालय कैलालीले जनाएको छ ।

मृत्यु हुनेमा धनगढी–३ का १८ बर्षिय पुष्प गिरी रहेका छन् । मोटरसाईकल दुर्घटनामा घाइते भएका गिरीको उपचारका क्रममा धनगढी स्थित निशर्ग हस्पिटलमा मृत्यु भएको प्रहरीले जनाएको छ ।

मोटरसाईकलको पछाडी बसेका १६ बर्षिय समिर बोहरा र १८ बर्षिय पशुपति बोहरा घाइते भइ दुवै जनाको धनगढी स्थित मायामेट्रो अस्पतालमा उपचार भइरहेको प्रहरीले जनाएको छ ।