मोटरसाइकल र स्कुटर ठोक्किदा दुई जना घाइते

धनगढी । धनगढी अत्तरियो ६ लेन सडक खण्डमा मोटरसाईकल र स्कुटर एक आपसमा ठोक्किदा दुईजना घाइते भएका छन् । ६ लेन सडक खण्ड अन्तरगत गेटामा सुदूरपश्चिम प्रदेश ०१००१० प २९११ नम्बरको मोटरसाइकललाई से७प ४५४ नम्बरको स्कुटरले ठक्कर दिएको प्रदेश ट्राफिक प्रहरी कार्यालय अत्तरियाले जनाएको छ ।

दुर्घटनामा परेर मोटरसाइकल चालक जोशीपुर गाउँपालिका–२ का ३३ वर्षीय सुरज कुर्मी र स्कुटरको पछाडी सवार गोदावरी नगरपालिका–६ का १६ वर्षीय लोकेन्द्र खड्का घाइते भएको प्रहरीले जनाएको छ । बताएको छ । घाइते दुवै जनाको अत्तरियास्थित पदमा अस्पतालमा उपचार भइरहेको छ ।