रड प्राहर गरी पुरुषको हत्या गरेको आरोपमा टिपरका सहचालक पक्राउ

धनगढी । कैलालीमा रड प्राहर गरी पुरुषको हत्या गरेको आरोपमा प्रहरीले टिपरका सहचालकलाई पक्राउ गरेको छ ।

जिल्ला प्रहरी कार्यालय कैलालीका अनुसार कैलालीको घोडाघोडी नगरपालिका–४ जनकपुरमा ५५ बर्षिय पुरुष पदम आचार्यको हत्या गरेको आरोपमा दैलेखको गुराँस गाउँपालिका–३ का १८ बर्षिय जीवन शाहीलाई पक्राउ गरिएको हो ।

घोडाघोडी घर भइ कैलालीको माहन्याल गाउँपालिका–४ स्थित सिम्लि खोला नजिकै होट व्यवसाय गर्दै आएका आचार्य आइतबार दिउँसो पौने १ बजे होटलमै मृत अवस्थामा फेला परेका थिए ।

तत्कालै घटनाको अनुसन्धान थालेको प्रहरीले हत्या ओरोपित जीवन शाहीलाई नेपाल गञ्जको बाँकेबाट पक्राउ गरिएको जिल्ला प्रहरी कार्यालय कैलालीका प्रबक्ता प्रहरी नायव उपरिक्षक प्रतिक विष्टले बताए । घटनाको अनुसन्धान गर्न जिल्ला प्रहरी कार्यालय कैलालीका प्रमुख प्रहरी उपरिक्षक विश्व अधिकारी समेत खटिएका थिए ।

प्रबक्ता विष्टका अनुसार हत्या आरोपमा पक्राउ परेका शाहीले रड प्राहर गरी ५५ बर्षिय पदम आचार्यको हत्या गरेको स्वीकारेका छन् । प्रहरीका अनुसार आरोपित शाहीले कार्तिक २० गते राती आचार्यको हत्या गरेका हुन् ।

होटल सञ्चालक आचार्यले होच्याएर बोल्ने गरेको र २० गते राती होच्याएर बोल्नुका साथै लठ्ठीले हिकार्यपछि आवेगमा फलामे रडकले हिकार्यउँदा घटना स्थलमै मृत्यू भएको आरोपित शाहीले स्वीकारेको प्रबक्ता विष्टले बताए । पक्राउ परेका आरोपि माथी थप अनुसनधान भइरहेको प्रहरीले जनाएको छ ।