त्रिभुवन माविको क्वारेन्टिनलाई २५ हजारको सहयोग

धनगढी,

  धनगढी–३ मा रहेको क्वारेन्टिन व्यवस्थापनमा सहयोग पुरयाउने उद्देश्यले वडा नम्बर–३ का व्यवसायीले २५ हजार बराबरको आर्थिक सहयोग प्रदान गरेका छन् ।

   निर्माण ब्यवसायी चक्र मल्ल, गजेन्द्र स्वार, धीरेन्द्र साउँद, योगेन्द्र चन्द, महेश महराले क्वारेन्टिनमा बस्ने नागरिकको व्यवस्थापन गर्न तथा खानपानमा सहजता पुरयाउन २५ हजार बराबरको खाद्यान्न, स्वास्थ्य सामाग्री, स्यानिटाइजर र मास्क लगायतका सामाग्री उपलब्ध गराएको वडा अधयक्ष बलबहादुर ऐरले बताए ।

   व्यवसायीले प्रदान गरेको सामाग्रीले क्वारेन्टिन व्यवस्थापनमा सहयोग पुग्ने वडा सदस्य ओम चन्दले बताए । महामारीको समयमा जनप्रतिनिधीले मात्रै सवै कुरा गर्न नसक्ने भन्दै उनले सम्पूर्ण वडा वासीलाई सक्दो सहयोग गर्न आग्रह गरे ।