कांग्रेस कैलालीको वडा अधिवेसन हुँदै

धनगढी । नेपाली कांग्रेस कैलालीको १४ औं महाँधिवेसन अन्तरगत आज कैलालीमा वडा अधिवेसन सुरु भएको छ ।

कांग्रेस कैलालीका सभापति नरनारायण शाह (मनु) का अनुसार कैलालीका १ सय २६ वटै वडामा आज देखी वडा अधिवेसन सुरु भएको हो । अधिवेसनका लागि सवै तयारी पुरा भएकोसभापति नरनारायण शहा (मनू)ले बताए । अधिवेसनका लागि सवै वडामा निर्वाचन अधिकृत खटाइसकिएको उनले बताए । महाँधिवेसन सफल बनाउन १५ सय १ जनाको मुल समिति र ११ उप समिति गठन गरिएको सभापति शाहले बताए । कैलालीका लागि नेपाली कांग्रेसले टेकबहादुर सुवेदीलाई मुख्य निर्वाचन अधिकारीको जिम्मेवारी दिइएको छ ।

कतिपय वडामा सर्व सम्मत नेतृत्व चयन हुने बताउँदै उनले केही वडामा भने मतदान हुने बताए । कैलाली सभापति शाहले वडा अधिवेसनको अन्तिम नामावली कार्तिक २८ गते भित्रै सार्वजनिक गर्दै ३० गते पालिका अधिवेसन गर्ने तालिका रहेको बताए ।