लम्की चुहामा कमल शाह पक्षका चलाउने र राठौर पक्षका कुवर सभापतिमा प्रतिस्पर्धा गर्दै

धनगढी । नेपाली कांग्रेस कैलालीको लम्की चुहा नगर कार्यसमितिका लागि आज (मंगलबार) भैरहेको निर्वाचनमा कमल शाह र  मोहन सिंह राठौर पक्षबीच टीम सहित प्रतिस्पर्धा हुने भएको छ ।

शाह पक्षले लम्की चुहा नगरपालिकाका वडा नम्बर ६ का अध्यक्ष भक्त चलाउनेको नेतृत्वमा टीम प्रतिस्पर्धामा उतारेको छ ।  चलाउनेको नेतृत्वमा रहेको टीमबाट सचिवममा  नेत्र सुनाखरी र शंकर बिष्ट प्रतिस्पर्धा गर्दैछन् ।

त्यस्तै राठौर पक्षबाट इन्द्र कुवरलाई सभापतिको उम्मेदवारको रुपमा अघि सारेको छ ।  उक्त टीमबाट सचिवमा ललित देउवा र मीन बहादुर बटाला प्रतिस्पर्धा  गर्दैछन् ।  

शाह र  राठौर समुह वडाको निर्वाचनको समयदेखि नै समुहमा प्रतिस्पर्धा गर्दै आएका छन् ।