धनगढीमा यज्ञराज उपाध्याय निर्विरोध सभापति चयन

धनगढी । नेपाली कांग्रेसको पालिका अधिवेसन अन्तरगत धनगढी उपमहानगर कमिटिको सभापतिमा यज्ञराज उपाध्याय निर्विरोध चयन भएका छन् ।

बुधबार (आज) भएको धनगढी उपमहानगरपालिका स्तरिय अधिवेसनले उपाध्यायलाई निर्विरोध चयन गरेको हो । धनगढी उपमहानगर कमिटिमा उपाध्याय बाहेक अरु कसैको उम्मेदवारी नपरेपछि उनि निबिर्राध चयन भएका काँग्रेस कैलाली महाँधिवेसन प्रचारप्रसार समितिका संयोजक नृप सुनारले बताए ।

नगरका लागि अन्य पदाधिकारीमा भने सहमति जुट्न नसकेको उनले बताए । अहिले सवै पदमा निर्बिरोध चयन गर्ने काम भइरहेको बताउादै उनले निबिरोध नभए निर्वाचन हुने बताए ।