मोटरसाईकलको ठक्करबाट बालकको मृत्यु, तीन जना घाईते

धनगढी

    मोटरसाईकलको ठक्करबाट एक बालकको मृत्यु भएको छ भने तीन जना घाईते भएका छन् । बर्दगोरीया गाउँपालिका वडा नम्वर १ स्थित राजमार्गमा भे ६ प २५२० नम्वरको मोटरसाईकलले साईकललाई  ठक्कर दिदा एक बालकको मृत्यु भएको हो ।

     जिल्ला प्रहरी कार्यालय कैलालीका प्रबक्ता प्रहरी नायव उपरिक्षक प्रतिक विष्टका अनुसार साईकलमा सवार बर्दगोरीया गाउँपालिका वडा नम्वर २ का ३० बर्षीय रमेश परियारका ५ बर्षीय छोरा हिमान्शु परियारको मृत्यु भएको  हो ।  मोटरसाईकलको ठक्करबाट घाईते भएका उनको कोहलपुर मेडिकल कलेजमा उपचारका क्रममा मृत्यु भएको प्रहरी नायव उपरिक्षक विष्टले बताए ।

     मोटरसाईकल चालक घोडाघोडी नगरपालिका वडा नम्वर ८ का २५ बर्षीय सुरेश चौधरी, मोटरसाईकलमा सवार बर्दगोरीया गाउँपालिका वडा नम्वर ३ का २६ बर्षीय जयदेव चौधरी र मृतक बालकका बुवा साईकल चालके रमेश परियार घाईते भएका छन् ।

   उनीहरुमध्ये मोटरसाईकल चालकको अवस्था गम्भिर रहेको र घाईते तीन जनाको कोहलपुर मेडिकल कलेजमा उपचार भईरहेको प्रहरीले जनाएको छ ।