खैरो हिरोइन सहित तीन जना पक्राउ

कन्चनपुर । कन्चनपुरको बेलौरी नगरपालिकाबाट प्रहरीले ५ ग्राम खैरो हिरोइन  सहित तीन जनालाई पक्राउ गरेको छ । बेलौरी नगरपालिका वडा नम्बर १० भुडाबाट उनीहरुलाई पक्राउ गरिएको हो ।

पक्राउ पर्नेमा बेलौरी नगरपालिका १० शिवनगर बस्ने १८ वर्षीय किशोर, भिमदत्त नगरपालिका १ राजिपुर बस्ने २३ वर्षीय सागर कार्की र बेदकोट नगरपालिका ८ गैलनदी बस्ने २३ वर्षीय ज्ञानेस बिष्ट रहेको जिल्ला प्रहरी कार्यालय कन्चनपुरले जनाएको छ ।

प्रहरी चौक भुडा र सशस्त्र प्रहरी बल बिओपी भुडाबाट संयुक्त रुपमा खटिएको प्रहरीले जाँच गर्ने क्रममा सु.प प्र ०२ –००३ प ६७६२ नम्बरको मोटरसाइकल  मोटरसाइकलमा सवार किशोर र सागरलाई लागुऔषध सहित पक्राउ गरेको हो । थप अनुसन्धानको क्रममा उक्त लागुऔषध खरिद गर्ने बिष्ट समेत आएको खुलेपछि बिष्टलाई पक्राउ गरिएको प्रहरीले जनाएको छ ।