बैतडीमा जीप दुर्घटना हुँदा ६ जनाको मृत्यु

धनगढी । बैतडीमा जीप दुर्घटना हुँदा चालक सहित ५ जनाको मृत्यु भएको छ । जिल्लाको दशरथचन्द नगरपालिका २ थलालगाउँबाट जन्ती बोकेर दशरथचन्द नगरपालिका ६ सिमायलतर्फ जाँदै गरेको म १ ज ३१० नम्बरको जीप दशरथचन्द नगरपालिका ४ कलुवाड मोडमा दुर्घटना भएको थियो । ओरालो बाटोमा अनियन्त्रित भएर जीप दुर्घटना भएको अनुमान गरिएको छ ।

दुर्घटनामा परी जीप चालक डडेल्धुरका ४० वर्षीय दीपक माली, दशरथचन्द नगरपालिका ६ का ४८ वर्षीय राजेन्द्रबहादुर चन्द, सोही ठाउँका ३८ वर्षीय धनबहादुर चन्द, ६५ वर्षीय प्रेमबहादुर चन्द, ६५ वर्षीय तारासिंह थापा र ५८ वर्षीय खेमसिंह कार्कीको मृत्यू भएको जिल्ला प्रहरी कार्यालय बैतडीका प्रहरी नायव निरिक्षक रमेश बहादुर पालले बताए ।

दुर्घटनामा परेर घाइते भएका दशरथचन्द नगरपालिका ६ का ४८ वर्षीय हर्कबहादुर चन्दलाइ थप उपचारका लागि धनगढी रेफर गरिएको उनले बताए ।