कैलालीमा ५ नम्बरको क्षेत्रीय सभापतिमा भीम पडाल विजयी

धनगढी । कैलाली निर्वाचन क्षेत्र नम्बर ५ मा नेपाली काँग्रेसको क्षेत्रीय सभापतिमा भीम पडाल विजयी भएका छन् ।

वर्तमान सचिव पडाल क्षेत्रीय सभापतिमा विजयी भएका हुन् । उनले २९० मत पाए । सभापतिका ५ उम्मेदवारमध्ये पडालले सुरुवातदेखि नै अग्रता लिएका थिए ।

यस्तै सन्तोष मुडभरीले ११३, हरिप्रसाद रेग्मीले ४७, इश्वरीप्रसाद जोशीले २३ र हिरासिंह पातलीले २१ मत पाए। यस्तै अन्य पदमा पनि पडालकै टीम विजयी भएको छ ।

संघिय क्षेत्र निर्वाचनमा कैलाली ५ बाट सचिवमा महेश गोले र वीजयराज जोशी निर्वाचित भएका छन् ।