काँग्रेस कञ्चनपुरको सभापतिमा बोगटी निर्वाचित

धनगढी  । नेपाली काँग्रेस कञ्चनपुरको जिल्ला सभापतिमा पदम बोगटी निर्वाचित भएका छन् । रमेश लेखक निकटका उनले ८०६ प्राप्त गरे । उनका प्रतिस्पर्धी एनपि साउँद पक्षका बहादुरसिंह थापा ७१५ ले मत पाएका छन् ।

उपसभापतिमा एनपि सउँदको समर्थन प्राप्त थापा प्यानलका उमेदवार मीनबहादुर सिंह र हरी चन्द्र राना विजयी भएका छन । उनीहरुले क्रमशः ७ सय ८६ र ७ सय ६३ मत ल्याएका हुन् ।  त्यसैगरी सचिवमा थापा प्यानलकै भीमराज भट्ट र हेमराज ओझा विजयी भएका छन् । उनीहरुले क्रमशः ७ सय २८ र ६ सय ९४ मत ल्याएका हुन् ।

सहसचिवमा दुवै प्यानलबाट एक÷एक जना निर्वाचित भएका छन् । थापा प्यानलका नाफु सिंह साउँद निर्वाचित भएका हुन् भने बोगटी प्यानलबाका पुस्कल चौधरी निर्वाचित भएका छन् ।

काँग्रेस कञ्चनपुरमा ५२ पदका लागि ९५ जना उम्मेदवार चुनावी मैदामा उत्रिएका थिए। शनिबार भएको निर्वाचनमा कूल १ हजार ६ सय १८ मा १ हजार ५ सय ७१ मत खसेको थियो ।