घोडाघोडी स्थित पूर्वपश्चिम राजमार्ग पुनः अबरुद्ध

धनगढी । कैलालीको घोडाघोडी नगरपालिका स्थित डोकेबजारमा मान्छे मार्ने ट्रक चालकलाई पक्राउ नगरिएको भन्दै स्थानीयले पूर्वपश्चिम राजमार्ग अबरुद्ध गरेका छन् ।

शनिबार घोडाघोडी नगरपालिका ५ डोकेबजारमा पश्चिमबाट पूर्वतर्फ गइरहेको सु.प.प्र.०१ ००८ प ५४७५ नम्बरको मोटरसाइकललाई विपरीत दिशाबाट आइरहेको लु १ ख ४६६६ नम्बरको ट्रकले ठक्कर दिंदा मोटरसाइकल चालक बसन्तराज शर्माको मृत्यु भएको थियो ।

मृत्युपछि आक्रोसित स्थानीयले शनिबार बिहान देखि पूर्वपश्चिम राजमार्ग अबरुद्ध गरेका थिए । तर यात्रुलाई समस्या भएको भन्दै वेलुका पख १ घण्टाका लागि राजमार्ग सुचारु गर्न दिएपछि आक्रोसित स्थानीयले पुनः सडक अबरुद्ध गरेका छन् ।

स्थानीयले सडकमा टायर बाल्दै सडक अबरुद्ध गरेको जिल्ला प्रहरी कार्यालय कैलालीले जनाएको छ । प्रहरीले भने ट्रक चालकको पहिचान नभएको र उनी फरार रहेको भन्दै खोजिकार्य भइरहेको जनाएको छ ।