ट्रकमा आगजनी गर्ने एक जना पक्राउ

धनगढी । मान्छे मारेको भन्दै बिरोध गर्ने क्रममा कैलालीको लम्कीमा ट्रकमा आगो लगाउने युवकलाई प्रहरीले पक्राउ गरेको छ । पक्राउ पर्ने लम्कीचुहा नगरपालिका–१ का मानबहादुर थापा रहेका छन् । ‘ट्रकमा आगजनी गर्ने दुई जनाको पहिचान भएको थियो,’ जिल्ला प्रहरी कार्यालय कैलालीका प्रबक्ता प्रहरी नायव उपरिक्षक वेदप्रकाश जोशीले भने,‘दुई मध्य १ जना फेला परेकाछन्, एक जनाको खोजि भइरहेको छ ।’

यही मंसिर ९ गते पूर्वपश्चिम राजमार्गअन्तर्गत लम्की बजारमा ना२ख ९३७० नम्बरको ट्रकको ठक्करबाट टीकापुर नगरपालिका २ की ४० वर्षीया गोमा थापाको घटनास्थलमै मृत्यु भएको थियो ।  थापाको मृत्यु भएपछि आन्दोलित केही स्थानीयले सोही ट्रकमा आगजनी गरेका थिए ।