धनगढीका मेर वडद्वारा कांग्रस केन्द्रिय सदस्यमा उम्मेदवारी दिने घोषणा

धनगढी,  । धनगढी उप–महानगरपालिकाका मेयर नृपबहादुर वडले कांग्रेसको केन्द्रिय सदस्यमा उम्मेदवारी दिने घोषणा गरेका छन् ।

मेयर वडले कांग्रेसको १४ औं महाधिवेशनमा केन्द्रीय सदस्य (समावेशी दलिततर्फ) उम्मेदवारी दिने घोषणा गरेका हुन् । नगर प्रमुख वड नेपाली कांग्रेस नगर समितिका सभापति समेत भइसकेका छन् । मेयर वड देशभरका उप–महानगरपालिकामा दलित समुदायबाट स्थानीय तहको नेतृत्व गर्ने एक मात्र प्रतिनिधी हुन् ।

केही दिन अघि सम्पन्न कौग्रेसको महाँधिवेन प्रतिनिधि निर्वाचनमा मेयर वड कैलाली निर्वाचन क्षेत्र नम्बर–५ बाट सर्वाधिक मत पाएर महाँधिवेसन प्रतिनिधीमा निर्वाचित भएका हुन् । रिपोर्टस क्लबमा उनले केन्द्रीय सह–महामन्त्रीका आंकाक्षी मीन विश्वकर्मासँगै उम्मेदवारी घोषणा गरेका थिए ।

नगर प्रमुख नृपबहादुर वडले केन्द्रीय सदस्यमा उम्मेदवारी घोषणासंगै उनले केन्द्रीय महाधिवेशन प्रतिनिधिहरूलाई मतदानको लागि समेत अपिल समेत गरेका छन् । मेयर वड प्रधानमन्त्री तथा वर्तमान पार्टी सभापति शेरबहादुर देउवा निकट रहेका छन् ।