कैलाली बहुमुखी क्याम्पसमा टिकटक प्रतिबन्ध

धनगढी । कैलाली बहुमुखी क्याम्पसले क्याम्पस हाताभित्र टिकटक चलाउन प्रतिबन्ध लगाएको छ ।

क्याम्पस प्रशासनले सोमबार सूचना जारी गर्दै क्याम्पस हाता भित्र टिकटक प्रतिबन्ध लगाएको हो । क्याम्पस हातामा विद्यार्थीले टिकटक चलाउदा पठनपाठनमा समेत अवरोध भएको भन्दै क्याम्पसले टिकटक प्रतिबन्ध लगाएको हो । सूचनामा क्याम्पस हाताभित्र टिकटक चलाए विद्यार्थीको मोबाईल जफत गरेर सख्त कारवाही गरिने चेतावनी दिइएको छ । आइतबार कैलालीको घोडाघोडी बहुमुखी क्याम्पसले पनि क्याम्पस हाताभित्र टिकटक चलाउन प्रतिबन्ध लगाएको थियो ।