कैलालीमा बस र स्कारपियो ठोक्किँदा २७ जना घाइते

धनगढी । कैलालीमा बस र स्कारपियो ठोक्किँदा २७ जना घाइते भएका छन् । घाइते भएका सवैको अवस्था सामान्य रहेको प्रहरीले जनाएको छ ।

काठमाडौंबाट महेन्द्रनगरतर्फ जाँदै गरेको सु.प.प्र. ००२–००१ ख १०८४ नम्बरको बस र विपरीत दिशाबाट आउँदै गरेको से१च १५९३ नम्बरको स्कारपियो बुधबार बिहान सवा १० बजे तिर ठोक्दिा दुर्घटना भएको प्रहरीले जनाएको छ । एक आपसमा ठोक्किएको प्रहरीले जनाएको छ । दुर्घटनाको कारण खोजि भइरहेको जिल्ला प्रहरी कार्यालय कैलालीका प्रबक्ता प्रहरी नायव उपरिक्षक वेदप्रकाश जोशीले बताए ।

प्रहरीका अनुसार स्कारपियोमा चालकसहित ३ जना र बसमा चालक सहित ३८ जना सवार रहेका थिए । ३४ बर्षिय बस चालक गणेश राना र स्कारपियो चलक ४८ वर्षीय मोतीराम डगौरालाई प्रहरीले नियन्त्रणमा लगेको छ ।