हाइस दुर्घटना हुँदा १० जना घाइते

धनगढी पोष्ट

मङ्गलबार, १३ पुष २०७८ मा प्रकाशित

धनगढी । नेपालगञ्जबाट महेन्द्रनगर जाँदै गरेको हाइस कैलालीमा दुर्घटना हुँदा १० जना घाइते भएका छन् । शुक्लाफाँटा यातायात प्रालिको बा५ख ८९०० नम्बरको हाइस पूर्वपश्चिम राजमार्ग अन्तरगत कैलालीको लम्कीचुहा नगरपालिका–१० मा दुर्घटना हुँदा भएको प्रहरीले जनाएको छ ।

हाइस दुर्घटनामा परेर घाइते भएकाहरुको स्थानीय लालरत्न अस्पतालमा प्रारम्भिक उपचार भइरहेको प्रदेश ट्राफिक कार्यालय अत्तरियाले जनाएको छ । हाइस आफै अनियन्त्रित भएर पल्टेको जनाइएको छ । घाइते सवैको अवस्था सामान्य रहेको छ ।