अवरुद्ध भीमदत्त राजमार्ग सञ्चालन

धनगढी । हिमपातका कारण अवरुद्ध भीमदत्त राजमार्ग सञ्चालन भएको छ । सडक डिभिजन कार्यालयले डोजरमार्फत राजमार्गको हिउ पञ्छाएसंगै राजमार्ग सुचारु भएको हो । भीमदत्त राजमार्ग अन्तरगत डोटीको गैरा, डडेल्धुराको साहुँखर्क र हगुल्टे लेकमा हिउँ जम्दा यातायात सेवा बुधबार बिहानदेखि अवरुद्ध भएको थियो ।

राजमार्ग सञ्चालन भएसँगै जाममा परेका सवारी साधन तथा यात्रु आ–आफ्नो गन्तव्यतिर लागेको घण्टेश्वर प्रहरीचौकी गैराले जनाएको छ । यसैगरी बैतडीको श्रीभावरमा परेको हिउपनि डोजरले पञ्छाएको छ । हिमपात भएपछि लेकाली क्षेत्रमा लगाइको गहुँ खेती सप्रिने भन्दै किसान खुसी भएका केआइसिंह गाउँपालिकाका बासिन्दा जहरसिंह खवासले बताए ।