धनगढीमा रिकोभरको  अभिमुखीकरण सम्पन्न

धनगढी ।  कोभिड १९ बाट प्रभावित समुदायको लागि पुनरुत्थान परियोजना (रिकोभर) को धनगढी उपमहानगरपालिका स्तरिय परियोजना अभिमुखीकरण तथा शुरुआती बैठक सोमबार सम्पन्न भएको छ ।

सो अवसरमा बेस कैलालीका संयोजक लक्ष्मण चौधरीले परियोजनाले कोभिडका कारण जागीर गुमाएर प्रवासबाट घर फर्केका दलित, सीमान्तकृतहरूको क्षमत बिकास र जिविकोपार्जनका लागि काम गर्ने बताए ।

परियोजनाले स्वास्थ्य र कृषि क्षेत्रलाई जोडेर काम अघि बढाउने उदेश्य राखेको संयोजक चौधरीले बताए ।

लुथरन वल्र्ड रिलिफ र बेस कैलालीको साझेदारीमा कैलालीका धनगढी उपमहमानगरपालिका, गोदावरी नगरपालिका र कैलारी गाउँपालिकामा सँचालन  हुन लागेको उक्त परियोजनाले तीन हजार घरधुरीलाई प्रत्यक्ष लाभ पुरयाउने लक्ष्य लिएको छ ।

उदेश्य प्राप्तिका लागि जनचेतना बिस्तार, कोभिड १९ र त्यस्ता महाकारीको व्यवस्थापनको  क्षमता अभिबृद्धि,  महामारीको सामना गर्न स्वास्थ्य प्रणालीलाई सबल बनाउन क्रियाकलाप सँचालन गरिनेछन् ।

धनगढी उपमहानगरपालिका वडा नम्बर  १२ कका अध्यक्ष गणेश प्रसाद जोशीले पालिकासँगको समन्वयमा नै परियोजना अघि बढाउन लागिएकोले पालिकाबाट आवश्यक सहयोग हुने बताए ।

कोभिडबाट धनगढीका १ देखि ५ नम्बर वडाहरु बढी प्रभावित भएको  र कृषि त्यसबाहेका अरु वडामा बढी हुने भएकोले वडाहरु सल्लाह गरेर छानिने बताए ।

उपमहानगरपालिकाका कृषि महाशाखा प्रमुख लोकराज उपाध्यायले पालिकासँग समन्वय गरेर सँचालन गर्न लागिएको कार्यक्रममा पालिकाको तर्फबाट  सक्रिय सहयोग रहने बताए ।

धनगढी उपमहागरपालिकाका स्वास्थ्य महाशाखा प्रमुख डा. कृष्ण बोहराले कोभिडको पुर्व तयारी र कोभिड प्रभावितहरुका बारेमा पालिकाले कार्यक्रम सँचालन गरिरहेको बताउँदै यस्ता कार्यक्रमहरुले काम गर्नलथप सहज हुने बताए ।

कार्यक्रमा धनगढीका पडा नम्बर १२ का अध्यक्ष गणेश राज जोशीको अध्यक्षतामा भएको थियो भने कार्यक्रम सँचालन कोभिड फोकल पर्सन लक्ष्मी राज उपाध्यायलृ गरेका थिए ।