सामुदायिक सहकारीद्धारा सुपथ मुल्य पसल सञ्चालन

धनगढी । सामुदायिक बहुउद्धेश्यीय  सहकारी संस्था लिमिटेडले धनगढी उपमहानगरपालिकाको हसनपुरमा सुपथ मुल्य पसल सञ्चालन गरेको छ । आफ्नो प्रथम साधारण सभाको अवसरमा उक्त सहकारीले स्थानीय उत्पादनलाई प्राथमिकता र सदस्यहरुलाई  सहुलियत मुल्यमा उपलव्ध गराउने उदेश्यले सुपथ मुल्य पसल सञ्चालन गरेको हो ।

 “खासगरि पहाड र गाउँघरमा पाइने स्थानीय उत्पादनलाई संकलन गरेर उपभोक्तालाई सहज मुल्यमा उपलव्ध गराउने उदेश्य हो ।” सहकारीका अध्यक्ष जनक राज पाण्डेयले भने “उपभोक्तलाई स्थानीय उत्पादन उपलव्ध गराउने र उत्पादनलाई बजार उपलव्ध गराउने काम सहकारीले गर्नेछ ।”

अहिले शुरुआतमा पहाडका अचार, दाल, कोदोको पीठो, मह लगायतका दैनिक जीवनमा उपभोग हुने बस्तुहरु  सुपथ मुल्य पसलमा उपलव्ध हुने र भविष्मा यसको दायरा बढाउँदै लैजाने अध्यक्ष पाण्डेयले बताए ।

  भविष्यमा  आफ्ना शेयर सदस्यहरुका उत्पादनको पनि बजारीकरणको कार्य पनि शुरु गरिने अध्यक्ष पाण्डेयले बताए ।

 सुपथ मुल्य पसलमा बजार मूल्य भन्दा ५ देखि १० प्रतिशत सम्म छुट दिइएको सहकारीका उपाध्यक्ष कुबेर शाहीेले बताए।

 सुपथ मुल्य पसलको  भुमि व्यवस्था, कृषि तथा सहकारी मन्त्रालयका  सहकास् बिभागका देवराज पन्तले सुपथ मुल्य पसलको  उदघाटन गरेका हुन् ।

सो अवसरमा पन्तले सहकारीहले सदस्यहरुको हितमा काम गर्न आवश्यक रहेको बताए ।

 सहकारीका अध्यक्ष जनक राज पाण्डेले सहकारीलाई शेयर सदस्यहरुको हितमा परिचालन गर्ने कार्य अघि बढाइएको बताइए ।

 सचिव लोकेश भट्टले सँचालन गरेको उक्त कार्यक्रममा ज्योति बिकास बैक धनगढीका प्रवन्धक गोविन्द बोहरा र सहकारीका उपाध्यक्ष कुबेर शाहीले मन्तव्य व्यक्त गरेका थिए ।

साधारण सभामा सहकारीको कोषाध्यक्ष कुन्जा भट्टले सहकारीको आर्थिक प्रतिवेदन प्रस्तुत गरेकी थिइन् ।