टिप्परको ठक्करबाट बझाङका युवकको मृत्यु

धनगढी । काठमाण्डौंमा टिप्परले ठक्कर दिंदा बझाङका एक युवकको मृत्यु भएको छ । बा४ख ६८४३ नम्बरको टिप्परले बा १ ब ५४०१ नम्बरको मोटरसाइकललाई ठक्कर दिँदा घाइते भएका मोटरसाइकलमा सवार बझाङको थलारा घर भई हाल ललितपुर बस्ने २४ वर्षीय वसन्त विष्टको उपचारका क्रममा मृत्यु भएको प्रहरीले जनाएको छ । उनको कलंकीस्थित सहिद मेमोरियल अस्पतालमा मृत्यु भएको हो ।

सोही दुर्घटनामा परेर बझाङकै चैनपुर घर भई हाल ललितपुरको धोबिघाट बस्ने २६ वर्षीय निखिल बम गम्भीर घाइते भएकाछन् उनको  महांकालस्थित राष्ट्रिय ट्रमा सेन्टरमा उपचार भइरहेको छ । टिप्परसहित चालकलाई नियन्त्रणमा लिएर थप अनुसन्धान भइरहेको प्रहरीले जनाएको छ ।