बाख्रालाई  करणी गरेको आरोपमा एक जना पक्राउ

धनगढी । कञ्चनपुरमा बाख्रालाई करणी गरेको आरोपमा एक जना युवक पक्राउ परेका छन् । पक्राउ पर्नेमा कञ्चनपुरकोे शुक्लाफाँटा नगरपालिका–१० टोटीका अन्दाजी २२ वर्षीय मनोज खुना रहेका छन् ।

बाख्रा धनीले दिएको आवेदनको आधारमा उनलाई पक्रउा गरी अनुसन्धान थालिएको इलाका प्रहरी कार्यालय झलारीका प्रहरी निरीक्षक कर्णबहादुर बोहराले बताए ।

खुनाले शुक्लाफाँटा–६ कसरौलका तर्कराज भट्टको सुत्केरी बाख्रीलाई आइतबार करणी गरेको आरोप लागेको हो । करणीपछि बाख्रा मरेको छ । खुना यस अघि गाई करणीको आरोपमा समेत पक्राउ पररेका थिए ।