हिउँ खेल्न पहाड चढे आन्तरिक पर्यटक

धनगढी । सुदूरपश्चिमका पहाडी क्षेत्र आन्तरिक पर्यटकले भरिएका छन् । बिहीबार देखि भएको हिमपात पछि तराईबाट हिउँमा खेल्न पहाड जाने पर्यटक बढेका हुन् ।

हिउँको दृश्य अबलोकन गर्न पहाड चढेको धनगढीका शमिर भण्डारीले बताए । ‘मैले अहिले सम हिउँमा खेल्न पाएको थिएन,’ उनले भने, ‘यस बर्ष हिँउ खेल्न पहाड चढेको हुँ ।’ कञ्चनपुरको कृष्णपुर नगरपालिका–३ का योगेन्द्र जोशीले पनि हिँउ खेल्न साथि संग पहाड चढेको बताए । ‘तराईमा हिँउ पर्दैन,’ उनले भने, ‘त्यसैले हिउँ खेल्न पहाड चढेका हौं, यहाँको दुश्य निकै सुन्दर छ ।’

हिमपातको दृश्य अवलोकन गर्दै कैलाली संग सीमाना जोडिएको डोटीको गैरा सम्म जानु पर्दछ । भीमदत्त राजमार्ग हुँदै कैलालीबाट गैरा सम्म पुग्न निजी सवारीमा दुई घण्टा लाग्ने गर्दछ । हिँउको दृश्य अबलोकन गर्न र हिउँ संग खेल्न चिसोको प्रवाह नगरी कैलाली कञ्चनपुरका हजारौं मानिस गैरा सम्म पुगेका छन् ।

तराईबाट हिँउ खेल्न मानिसहरु पहाड चढ्दा त्यहाँका व्यवसायीको व्यापार पनि बढेको छ । हिउँमा खेल्न आएका मानिसहरुले केहीन केही खानेकुरा किनेर खाने गर्दछन्’ गैराका स्थानीय व्यवसायी प्रमे बोहराले भने, ‘जसका कारण यहाँको व्यापार बढेको छ ।’ हिउँ खेलेपछि मानिसहरु खाजाका लागि प्राय होटलमा छिर्ने गरेको भन्दै उनले हिँमपातका कारण स्थानीय होटेल व्यवसायीलाई बढी फाइदा भएको बताए ।