जयपृथ्वी राजमार्ग सुचार

धनगढी ।चार दिन देखि अबरुद्ध बैतडी–बझाङ जोड्ने जयपृथ्वी राजमार्ग सञ्चालनमा आएको छ । सडकमा जमेको हिँउ डोजरले पञ्छाएपछि अबरुद्ध राजमार्ग सुचारु बनेको बैतडीका प्रहरी प्रवक्ता प्रहरी निरीक्षक दर्शन खड्काले बताए ।

उक्त राजमार्गको खोड्पे, दुदिलाखान, ढोल्यामोड, श्रीभावरलगायत स्थानमा जमेको बाक्लो हिउँका कारण बिहीबारदेखि बाटो बन्द रहेको थियो । शनिबार देखि दुई वटा स्काभेटर प्रयोग गरीएकोमा आइतबार दिउँसो मात्रै हिँउ पञ्छाउनेकाम सकिएको प्रहरी निरिक्षक खड्काले बताए । राजमार्ग सुचारु भएपनि रोकिएका यातायातका साधन गन्तव्य स्थानका लागि छुटेका छन् ।