गोदावरीलाई साढे १२ लाख बढीको स्वास्थ्य सामाग्री प्रदान

धनगढी । कैलालीको गोदावरी नगरपालिकालाई साढे १२ लाख मुल्य बढीको स्वास्थ्य सामाग्री प्रदान गरिएको छ ।

बेस कैलाली र एल डब्लु आरले नगरपालिकालाई १२ लाख ७७ हजार ४ सय ७६ रुपैंया बराबरको स्वास्थ्य सामाग्री हस्तान्तरण गरेको हो । कोरोना संक्रमणमा नगरवासीलाई सेवा प्रदान गर्न सहजता प्रदान गर्ने उद्देश्यले स्वास्थय सामाग्री प्रदान गरिएको जनाइएको छ ।

हस्तान्तरण गरिएका स्वास्थ्य सामाग्रीमा २ हजार ५ सय पिस एन्टिजेन किट, ३ सय पिस भीटिएम किट, ९ सय सेट पीपिई सेट, ६० जोडा ग्लोभ्स र आघा लिटरका ५ सय बोतल सेनिटाइजर रहेका छन् ।

स्वास्थ्य सामाग्री ग्रहण गर्दै गोदावरी नगरपालिकाका मेयर हरीसिंह साउँदले सहयोगि संस्थालाई धन्यवाद दिएका छन् । कोरोना संक्रमणसंग जुध्न र संक्रमण नियन्त्रण गर्न सो स्वास्थ्य सामाग्री महत्वपूर्ण हुने मेयर साउँदले बताए ।