डिष्ट्रिक्ट ३२५ एनलाई नमुना डिष्टिक्ट बनाउँछु : चन्द

धनगढी । लायन्स क्लब इन्टरनेशनल डिष्ट्रि««क्ट ३२५ एन नेपालको गभर्नरका उम्मेदवार सीबी चन्दले आफ्नो टीम निर्वाचित भएमा  नेपालकै नमुना डिष्ट्रिक्ट निर्माण गर्ने प्रतिवद्धता व्यक्त गरेका छन् ।

धनगढीमा आयोजित चुनावी अभियान र फेलोशीप कार्यक्रममा चन्दले डिष्ट्रिक्ट ३२५ एन अन्तर्गतका सदस्यहरुलाई सामाजिक सेवा भावमा समर्पित हुने वातावरणको सिर्जना गर्ने प्रतिवद्धता व्यक्त गरेका छन् ।

लायन्स क्लब ३२५ बी २ का प्रथम भाइस गर्भनर रहेका चन्दले क्लबका बारेमा प्रशिक्षण दिएर मात्र सदस्यता प्रदान गर्ने योजना बनाएर ड्रप आउटको संख्या न्युन गर्दै जीरोमा झार्ने योजना रहेको बताए ।

चन्दले आफु सहितका उम्मेदवारलाई शत प्रतिशत मत दिन समेत आग्रह गरे ।

 नया बन्न लागेको  लायन्स क्लब डिष्ट्रिक्ट ३२५ एनको पहिलो पटक नेतृत्व चयन हुन लागेको हो । फागुन ७ गते चितवनमा हुने सम्मेलनले नयाँ नेतृत्व चयन गर्नेछ ।

 लायन्स क्लबमा उम्मेदवारहरुले पचास प्रतिशत भन्दा बढी मत पाए मात्र बिजयी हुने व्यवस्था छ ।

डिष्ट्रिक्ट ३२५ गभर्नरमा लायन्स क्लब अफ धनगढी टाउनका सिबी चन्द गभर्नर, नेपालगन्जका मुकुट ढकाल प्रथम भाइस डिष्ट्रिक्ट गभर्नर र दाङ तुलसीपुरका बिनोद कुमार श्रेष्ठ द्धितीय भाइस डिष्ट्रिक्ट  गभर्नरका उम्मेदवार रहेका छन् ।

डिष्ट्रिक्ट ३२५ बी २ नेपाल चार डिष्ट्रिक्टमा बिभाजित हुदैछ ।  राप्ती नदीबाट पश्चिमको ( साविकको मध्यपश्चिम र सुदुरपश्चिम) सम्पुर्ण क्षेत्र र काठमाण्डौका केही क्लबहरु सहित लायन्स क्लब डिष्ट्रिक्ट ३२५ एनको स्थापना हुदैछ ।  फागुन ७ गते चितवनमा हुने दशौं महाधिवेशनले  नयाँ डिष्टिक्टको नेतृत्व चयन गर्नेछ ।

 सो अवसरमा  कैलाश दाहालले धनगढीबाट लायन्सको नेतृत्व गर्न  पठाउन पाउनु गर्वको कुरा भएको उल्लेख गर्दै बिजयी बनाउन आग्रह गरे ।

 लायन चक्र बहादुर सिंहले  लायन्समा संलग्नताको लामो इतिहासमा धनगढीबाट लायन्सको नेतृत्व गर्ने अवसर जुटिरहेको बताए ।

 लायन चेतराज पनेरुले लायन्सका आन्तरिक बाह्रय कृयाकलापमा चन्दको सक्रियता आकर्षक रहेको भन्दै बिजयी गराउन आग्रह गरे ।

एरिया चिफ राजेश भाटको अध्यक्षतामा भएको उक्त कार्यक्रममा प्रथम भाइस डिष्ट्रिक्ट  गभर्नरका उम्मेदवार मुकुट ढकाल, द्धितीय भाइस डिष्ट्रिक्ट  गभर्नरका उम्मेदवार बिनोद कुमार श्रेष्ठले मन्तव्य व्यक्त गरेका थिए । कार्यक्रमा सञ्चालन एरिया सेक्रेटरी कृष्ण बोहराले गरेका थिए ।