सुदूरपश्चिमका चार स्थानीय तहलाई विपद् संकटग्रस्त क्षेत्र घोषणा

धनगढी । सरकारले सुदूरपश्चिमका चार र प्रदेश नम्बर–१ के एउटा सहित पाँच स्थानीय तहलाई विपद् संकटग्रस्त क्षेत्र घोषणा गरेको छ।

गृह मन्त्रालय अन्तर्गतको विपद् जोखिम न्यूनिकरण तथा व्यवस्थापन प्राधिकरणको सिफारिसमा सरकारले सुदूरपश्चिम प्रदेशका चार तथा प्रदेश १ को एक स्थानीय तहलाई विपद् संकटग्रस्त क्षेत्र घोषणा गरेको हो ।

संकटग्रस्त क्षेत्र २०७९ वैशाख मसान्तसम्म लागूहुने मन्त्रालयले जनाएको छ । विपद् संकटग्रस्त क्षेत्र घोषणा हुनेमा चारवटा गाउँपालिका र एक नगरपालिका रहेका छन् । मन्त्रालयका अनुसार सुदूरपश्चिमको डोटी स्थित को शिखर गाउँपालिका, डडेल्धुराको भागेश्वर गाउँपालिका र अजयमेरु गाउँपालिका रहेका तथा दार्चुलाको नौगाड गाउँपालिकालाई विपद् संकट ग्रस्त क्षेत्र घोषणा गरेको हो ।

यसैगरी प्रदेश–१ अन्तरगा सुनसरीको बराहक्षेत्र नगरपालिकालाई समेत विपद् संकटग्रस्त क्षेत्र घोषणा गरिएको छ । बाढी, पहिरोलगायतका विपद्बाट ठूलो मानवीय क्षती भएको र ती स्थानीय तह बढी प्रभावित भएकाले संकटग्रस्त क्षेत्र घोषणा गरिएको मन्त्रालयले जनाएको छ ।

ती स्थानीय तहमा पुगेको क्षतीको पुनस्निर्माण तथा पुनस्स्थापनाको काम, घर तथा सडक तथा विद्यालय निर्माणको काम गरिने जनाइएको छ ।